Ministrja Hajdari sot priti ambasadorin gjerman z. Heldt, të cilin e falënderoi për mbështetjen në marrëveshjen e re të kyçjes KOSTT- ENTSO-E.
Gjatë takimit, ministrja Hajdari e njoftoi Ambasadorin Heldt se këtë javë Qeveria e Republikës së Kosovës pritet ta kalojë Parkun Kosovaro-Gjerman të Inovacionit dhe Trajnimit në menaxhim të shoqatës “ITP Prizren”.
Shoqata “ITP Prizren” është themeluar vitin e kaluar me angazhimin e GIZ-it gjerman dhe Qeverisë së Kosovës dhe do të menaxhojë dhe zhvillojë parkun në ish-kampin e KFOR-it në Prizren.
Ministrja Hajdari dhe ambasadori Heldt biseduan edhe për bashkëpunim në fusha tjera ku pikësynim është gjithmonë zhvillimi ekonomik i vendit tonë.
Ministrja Hajdari i është gjithmonë mirënjohëse Ambasadës Gjermane për përkrahjen e vazhdueshme për Republikën e Kosovës.
