Ministrja Rozeta Hajdari, priti sot në takim Ambasadorin e ri jorezident të Malajzisë, për Republikën e Kosovës, z. Zahid Rastam, i cili për herë të parë po qëndron për vizitë në vendin tonë.
Ministrja Hajdari dhe Ambasadori Rastam, diskutuan mbi mundësitë e bashkëpunimit bilateral në fushat ekonomike në mes të dy vendeve.
Gjatë takimit, Ambasadori Rastam, mirëpriti informacionet nga Ministrja Hajdari për progresin ekonomik, politikat dhe legjislacionin për investimet e përgjegjshme dhe të qëndrueshme, në përputhje me direktivat e Bashkimit Evropian.
Palët u pajtuan për rritjen e shkëmbimeve dhe partneriteteve të biznesit në mes dy vendeve.
