Ministria e Industrisë, Ndërmarrësisë dhe Tregtisë (MINT), përmes Agjencinë për Investime dhe Përkrahjen e Ndërmarrjeve në Kosovë (KIESA), ka hapur grant skemën për artizanate, e cila është në dispozicion për të gjitha ndërmarrjet mikro dhe të vogla
Vlera totale e mbështetjes është 400,000 euro
Qëllimi i kësaj skeme është krijimi, zhvillimi dhe forcimi i mëtejshëm i artizanateve, përfshirë promovimin, mbrojtjen, ruajtjen dhe përcjelljen e artizanatit tradicional.
Afati për aplikim është deri më 01 gusht 2024, dhe aplikimi bëhet përmes platformës e-Kosova të Agjencisë së Shoqërisë së Informacionit ( ASHI):
Për më shumë informacion rreth procedurave të aplikimit dhe dokumentacionit të nevojshëm, mund të gjeni udhëzuesin në web faqet e MINT dhe KIESA.
MINT dhe KIESA janë të përkushtuar në përkrahjen e vazhdueshme të bizneseve në Kosovë, që të jenë konkurruese me produkte me vlerë të lartë të shtuar dhe rrisin më tej eksportin në tregun ndërkombëtar!