Ministrja e Ministrisë së Industrisë, Ndërmarrësisë dhe Tregtisë, znj. Rozeta Hajdari, ka nënshkruar tre (3) udhëzime administrative për 𝐏𝐚𝐫𝐪𝐞𝐭 𝐈𝐧𝐝𝐮𝐬𝐭𝐫𝐢𝐚𝐥𝐞 𝐞 𝐓𝐞𝐤𝐨𝐧𝐨𝐥𝐨𝐠𝐣𝐢𝐤𝐞:
Udhëzimin Administrativ Nr. 05/2024, për përmbajtjen e studimit të fizibilitetit për Parqet Industriale dhe Teknologjike.
Udhëzimin Administrativ Nr. 07/2024, për përcaktimin e mënyrës së administrimit dhe menaxhimit të Parqeve Industriale dhe Teknologjike.
Udhëzimin Administrativ Nr. 08/2024, për përcaktimin e mënyrës së përzgjedhjes së shfrytëzuesve dhe formës, përmbajtjes së kontratës së shfrytëzimit për Parqet Industriale dhe Teknologjike.
Përmes këtyre Udhëzimeve Administrative të nënshkruara, përcaktohen arsyeshmëritë fiskale, teknologjike, ligjore, mjedisore e administrative të studimit të fizibilitetit për themelimin e parkut industrial e teknologjik, rrjedhimisht mënyrën e përzgjedhjes së shfryetëzuesve, formën dhe përmbajtjen e kontratës, administrimin dhe menaxhimin e parqeve industriale dhe teknologjike në vendin tonë.
Ministria e Industrisë, Ndërmarrësisë dhe Tregtisë, me reformën e re legjislative dhe investimet kapitale, për ndërtimin dhe sjelljen në mirëfunksion të plotë të Parqeve Industriale e Teknologjike, synon:
Nxitjen e investimeve,
Promovimin e teknologjive të avancuara, aktiviteteve të prodhimit dhe përpunimit, inovacionit dhe shërbimeve me vlerë të shtuar,
Rritjen e punësimit dhe trajnimit,
Lehtësimin e punësimit dhe trajnimit,
Rritjen e konkurrencës dhe eksporteve.
