Dje (06.04.2020) ministrja e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, znj. Rozeta Hajdari dhe ministri i Financave dhe Transfereve, z. Besnik Bislimi zhvilluan një video konferencë me shkëlqesinë e saj, Ambasadoren Apostolova, shefen e Zyrës së BE-së në Kosovë / Përfaqësues Special i BE-së në Kosovë.
Gjatë takimit, zonja Apostolova tha se në këtë situatë të vështirë pandemike, qeveria po përballet me situatën me ekspertizë të lartë, me vendosmëri dhe me kompetencë. Ministrja Hajdari dhe Ministri Bislimi falënderuan gjithashtu BE-në për përkrahjen dhe ndihmën e vazhdueshme për Kosovën.
Ministrja Hajdari, ndërsa azhurnoi për përparimin e Qeverisë në lidhje me MSA-në dhe Programin e Reformës Ekonomike, kërkoi që veprimet e përbashkëta me BE-në të kapërcejnë pandeminë Covid-19. Për shkak të turmave nga bizneset dhe nga disa sektorë industrialë u është kërkuar të ndalen gjatë muajit mars-prill 2020, duke rezultuar në humbje ekonomike dhe fluks të ulët të parave duke e bërë shumë sfiduese për të kapërcyer humbjen e biznesit.
Përveç paketës së urgjencës fiskale të Qeverisë së Kosovës, e cila u prezantua javën e kaluar, u përmend gjatë takimit se mbështetja e BE-së mund të vihet në dispozicion deri në 160 milionë euro përmes ndihmës makro-financiare, mbështetjes buxhetore, IPA grante, sektorit të mbështetjes private, bujqësisë si dhe lehtësimin e varfërisë.
Të dy ministrat Hajdari dhe Bislimi, ndërsa vlerësojnë nevojën shumë serioze për rimëkëmbje ekonomike nga pandemia COVID – 19, i kanë kërkuar BE-së që të marrë në konsideratë të gjitha potencialet për mbështetje buxhetore për Qeverinë e Kosovës dhe u pajtuan për një takim vijues me BE gjatë kësaj jave.
