Sot, Ministrja e Tregtisë dhe Industrisë Mimoza Kusari Lila dhe drejtori i zyrës zvicerane për bashkëpunim në Kosovë, Markus Baechler, nënshkruan marrëveshjen në lidhje me projektin “Promovimi i Punësimit në Sektorin Privat, faza e fillimit”.
Kjo Marrëveshje për Projekt ofron një kornizë ligjore për kontributin e Agjencisë Zvicerane për Zhvillim dhe Bashkëpunim përkitazi me projektin “Promovimi i Punësimit në Sektorin Privat”.
Qëllimi i Projektit është që t’i kontribuojë krijimit të vendeve të qëndrueshme dhe të denja të punës dhe të ardhurave më të mëdha për gratë, burrat dhe të rinjtë e papunë në veçanti. Priten disa rezultate nga ky projekt si: forcimi i qeverisjes së zhvillimit të sektorit privat, përmirësimi i mundësive për punësim, si dhe mundësitë për gra që të përfitojnë nga të bërit biznes.
Ky projekt përfshin periudhën njëvjeçare dhe fillon nga data 1 tetor 2013 dhe mbaron me datën 30 shtator 2014.